ఆహ్వానాలు, సమావేశ నోటీసులు

e-తెలుగు సభ్యులకు ఔత్సాహికులకు, తెలుగు బ్లాగర్లకు, తెలుగు భాషాభిమానులకూ… తెలుగు బ్లాగుల దినోత్సవ శుభాకాంక్షలు!

ఈ నెల రెండవ ఆదివారం అనగా (డిసెంబర్ 11న) తెలుగు బ్లాగుల దినోత్సవం సందర్భంగా తెలుగు బ్లాగర్ల సమావేశం మరియు తేనీటి విందుని e-తెలుగు ఏర్పాటు చేసింది. తెలుగు బ్లాగర్లందరూ దీనిలో పాల్గొని విజయవంతం చేయమని ప్రార్థన. వివరాలు:

స్వేచ్ఛా విజ్ఞాన సర్వస్వమైన వికీపీడియా ఏర్పడి ఈ నెల పదిహేనవ తేదీకి 10 సంవత్సరాలు పూర్తయింది. ఈ సందర్భంగా ప్రపంచవ్యాప్తంగా ఔత్సాహికులందరూ వికీపీడియా దశాబ్ది ఉత్సవాలను జరుపుకుంటున్నారు. హైదరాబాదులో e-తెలుగు సంస్థ కూడా ఈ వేడుకలను నిర్వహిస్తూంది. ఈ వేడుకలలో భాగంగా, తెలుగు వికీపీడియాను ఎలా ఉపయోగించుకోవాలి, కొత్త సమాచారాన్ని చేర్చడం, ఉన్న సమాచారాన్ని సరిదిద్దడం వంటి అంశాలపై ప్రత్యక్ష ప్రదర్శనతో కూడిన అవగాహనా సదస్సును నిర్వహిస్తున్నాం.

కంప్యూటరులో, ప్రత్యేకించి అంతర్జాలంలో తెలుగు వ్యాప్తి కోసం e-తెలుగు సంస్థ కృషి చేస్తోంది. అందుకుగాను అనేక కార్యక్రమాలు చేస్తోంది. ఇటీవల ముగిసిన హైదరాబాదు పుస్తక ప్రదర్శనలో ఒక స్టాలు నెలకొల్పి అంతర్జాలంలో తెలుగు గురించిన ప్రచారం కల్పించడమే కాక, కొన్ని తెలుగు సాఫ్టువేర్లను ఉచితంగా అందించింది. ఈ ప్రచార కార్యక్రమాల్లో భాగంగా సమాజంలోని వివిధ వర్గాల ప్రజలకు ప్రయోజనకరంగా ఉండే వర్కుషాపులను చేపట్టింది. వివిధ అంశాలపై తగు సమాచారం ఇవ్వడమే కాకుండా అనేక సాంకేతిక, సాంకేతికేతర విషయాల్లో తక్షణ సహాయం అందించడం ఈ వర్కుషాపులలో ప్రధాన అంశం. కంప్యూటర్లతో ప్రత్యక్ష డిమాన్‍స్ట్రేషను చెయ్యడం ఈ వర్కుషాపుల్లో ఒక భాగం.

అంతర్జాలంలో తెలుగు e-తెలుగు ప్రదర్శన

హైదరాబాదు నెక్లెస్ రోడ్డులోని పీపుల్స్‌ప్లాజాలో జరుగుతున్న పుస్తక ప్రదర్శనలో అంతర్జాలంలో తెలుగు అనే ప్రదర్శనను e-తెలుగు సమర్పించనుంది. 2008 డిసెంబరు 20, శనివారం సాయంత్రం 6 - 7 గంటల పుస్తక ప్రదర్శన స్థలం బయట ఉన్న వేదికపై ఈ ప్రదర్శన జరుగుతుంది. తెలుగు నెజ్జనులంతా వచ్చి, ఈ సభని విజయవంతం చెయ్యవలసినదిగా కోరుతున్నాం. ఈ ప్రదర్శన చివర ప్రేక్షకులు అడిగే ప్రశ్నలకు సమాధానాలు కూడా e-తెలుగు సభ్యులు ఇస్తారు.