నెట్లో తెలుక్కు ఇది కేంద్రం కావాలి. తెలుగు సైట్లకు సైటు - మహాసైటు ఇది.

ఓ సమన్వయ కేంద్రం, తెలుక్కు సంబంధించిన వార్తల సంగ్రహం
ఇదో డైరెక్టరీ. కేంద్రకం.
ఇదో తెలుగు సహాయకేంద్రం.

సమన్వయ కేంద్రం:
-తెలుగు నేర్చుకోవాలా, తెలుగు నేర్పాలా, ఫలానా విషయం ఎక్కడ ఉందో తెలుసుకోవాలా, బ్లాగెలా రాయాలో తెలుసుకోవాలా, తెలుగు భాష విషయంలో ఏం జరుగుతోందో తెలుసుకోవాలా.. అయితే చూడండి.. ఈతెలుగు!
-తెలుగు సంఘాలేం చేస్తున్నాయి, ప్రభుత్వమేం చేస్తోంది
-ఉమ్మడిగా, మూకుమ్మడిగా చేసే పనుల నియంత్రణా స్థలం.
-తెలుగు సాఫ్టువేరు అభివృద్ధి కోసం ఏం చెయ్యాలి, ఎలా చెయ్యాలి. ఇవి చర్చించడమే కాదు, వాటి అమలుకు సభ్యులతో తగు కార్యక్రమాలు చేపట్టాలి.

డైరెక్టరీ:
-నెట్లో ఎక్కడెక్కడి తెలుగుకూ ఇక్కడ అడ్రసు దొరకాలి.
-ఎక్కడెక్కడి తెలుగు వాళ్ళూ ఇక్కడ చేరాలి.
-ఇక్కడికొస్తే ఏ తెలుగు సైటుకైనా వెళ్ళగలగాలి.
-తెలుగు సాఫ్టువేర్లు ఏమేం ఉన్నాయి, ఎక్కడ దొరుకుతాయి

తెలుగు సహాయ కేంద్రం:
-మీ సైటును తెలుగుకు సమర్థకంగా చెయ్యాలా?
-ఫలానా సైటును తెలుగులోకి మార్చేందుకు సలహాలు కావాలా
-అందరికీ పనికొచ్చే ఫలానా సైటును తెలుగులోకి అనువదించాలా?

చదువరి గారు చెప్పింది బాగుంది.
ఈ-తెలుగు నేను ఇంతకు ముందు చెప్పినట్టు one stop shop గా తయారవాలి. తెలుగు కి సంబంధించిన లంకెల నుండి, కావలసిన సమాచారం, పనిముట్లు, సహాయం అన్నీను.
కానీ దీనికో స్పష్టమయిన అజెండా అవసరం. ఎవరెవరు ఎలా సహాయం చెయ్యగలరో, వారందరినీ ఎలా సమన్వయపరచాలో, అందరినీ పాల్గొనేలా ఎలా చైతన్యపరచాలో కూడా ఆలోచించాలి.
అదే కాక ఆసక్తి ఉన్నవారందరినీ కలుపుకుని ఒక టీం లాగా పని చెయ్యాలి. వారికి కొన్ని మార్గదర్శకాలుంటే బాగుంటుంది. భాష ని ప్రజల దగ్గరకు ఎలా తీసుకువెళ్ళాలో కూడా ఆలోచించాలి.

- ప్రవీణ్ గార్లపాటి
నా మదిలో ... | http://praveengarlapati.blogspot.com