2009 జూన్ 14 నాడు జరిగిన e-తెలుగు కార్యవర్గంలోని సమావేశ విశేషాలు:

చర్చాంశాలు:

1. గత మూణ్ణాలుగు నెలల పనుల సమీక్ష
2. బ్యాంకు ఖాతా తెరవడం
3. సంఘపు ఎన్నికలు
4. e-తెలుగు సమావేశాల గురించి
5. భవిష్యత్తు కలాపాలు

గత మూణ్ణాలుగు నెలల పనుల సమీక్ష

• దూరదర్శన్‌లో కార్యక్రమం చేసాం.
• ఈటీవీలో జాలంలో తెలుగువెలుగుల గురించి కార్యక్రమం ప్రసారమైంది.
• స్థానికీకరణల్లో శిరీష్ మరియు వీవెన్‌లు పాల్గొన్నారు.
• అనూ ఫాంట్ల నుండి యూనికోడ్ మార్పిడికి దాట్ల శ్రీనివాసరాజు ఒక పరికరం తయారుచేసారు.

బ్యాంకు ఖాతా తెరవడం
ఈ శుక్రవారం లోగా శిరీష్ మరియు పద్మనాభం కలిసి ఈ పని పూర్తి చేస్తారు. ఈ నెల చివరికల్లా అంతా పూర్తవుతుంది.

సంఘపు ఎన్నికలు
ముందుగా, సభ్యత్వ నమోదు కార్యక్రమం (కనీసం ఓ నెలపాటు) జరుగుతుంది. తర్వాత ఎన్నికల గురించి ప్రకటన, అభ్యర్థుల ప్రతిపాదనలు. విధానాలు ప్రకటిస్తారు.
ఆ ఎన్నికల్లో అధ్యక్షులు, సెక్రెటరీ మరియు కోశాధికారి పదవులకు స్థానికులే (ఆర్థిక వ్యవహారాలు, సంస్థాగత సౌకర్యం దృష్ట్యా) అయివుండాలని కార్యవర్గ సమావేశంలో అనుకున్నాం. దీనికై సర్వసభ్య సమావేశం కూడా నిర్వహిద్దామని అనుకున్నాం.

e-తెలుగు సమావేశాల గురించి
నెల నెలా e-తెలుగు ఆధ్వర్యంలో నిర్వహించే సమావేశాలకి ఓ వారం ముందు e-తెలుగు సైటునుండి అధికారిక ప్రకటన ఇవ్వాలి. ఈ సమావేశాల్లో చర్చాంశాలు కూడా e-తెలుగు ఆశయాల మేరకు మాత్రమే ఉంటాయి.

భవిష్యత్తు కలాపాలు
దీనిపై పెద్దగా ఏమీ చర్చించలేదు.

ఇతరత్రా
e-తెలుగు సైటులో ఉన్న చర్చావేదికని వేరేచోటికి తరలించాలి. e-తెలుగు సైటులోని విషయమంతా అధికారికంగానే ఉండాలని అనుకున్నాం.

హాజరైనవారు:

1. తుమ్మల శిరీష్ కుమార్
2. దాట్ల శ్రీనివాసరాజు
3. వెంకట రమణ
4. దూర్వాసుల పద్మనాభం
5. వీవెన్
6. కత్తి మహేష్ కుమార్
7. కృపాల్ కశ్యప్