స్థానికీకరణ

ఈ కార్యకలాపం యొక్క ముఖ్య ఉద్దేశం కంప్యూటర్ మరియు జాల ఉపకరణాలు తెలుగులో అందుబాటులో ఉండేలా వాటి స్థానికీకరణకి తోడ్పడటం

ప్రస్తుత పరిస్థితి

చాలా కొద్ది సంఖ్యలో తెలుగు కంప్యూటర్ ఉపకరణాలు అందుబాటులో ఉన్నాయి. వాటిలోనూ అనువాదాల నాణ్యత ఆశించిన స్థాయిలో లేదు. అనేక ఓపెన్‌సోర్సు (బహిరంగాకర) ప్రాజెక్టులు తమ ఉపకరణాల స్థానికీకరణకై ఔత్సాహికులని ఆహ్వానిస్తున్నాయి. వీటిలో తెలుగుకి సంబంధించిన పాల్గోలు ఆశించిన స్థాయిలో లేదు.

కొత్త ఉపకరణాలు వచ్చేకొద్దీ మరియు ఉన్న ఉపకరణాలలో కొత్త సౌలభ్యాలు వచ్చే కొలదీ స్థానికీకరణ అవసరం ఉంటూనే ఉంటుంది. స్థానికీకరణ అనేది ఒక్కరు చేసినా సరిపోదు, ఒక్కసారి చేసినా సరిపోదు.

మనమేం చేయొచ్చు

1. e-తెలుగు సభ్యులూ, ఔత్సాహికులూ వివిధ ప్రాజెక్టుల స్థానికీకరణల్లో పాలుపంచుకోవాలి. (జాలంలో తెలుగు స్థానికీకరణ చేయదగ్గ సైట్ల పాక్షిక జాబితా)
2. స్థానికీకరణ చేయడానికి తగిన సహాయాన్ని (కొత్త వారి సౌకర్యార్థం) ఒక చోట పొందుపరచాలి.
3. వివిధ ఇంగ్లీషు సాంకేతిక పదాలకు సరిపడు తెలుగు పదాలకై వివిధ సంస్థలు మరియు వ్యక్తులలో కలిసిపనిచేయాలి. (ఉదా. తెలుగుపదం)