తెలుగు భాషా దినోత్సవం (ఆగస్టు 29)  సందర్భంగా e-తెలుగు తెలుగు బాట అనే ఒక కార్యక్రమాన్ని నిర్వహిస్తూంది. తెలుగుకై నడక  ఈ కార్యక్రమ ఉద్దేశం.

వివరాలు:

•  సమయం: ఆదివారం, ఆగస్టు 29, 2010 - ఉదయం 8 గంటల నుండి 9 వరకు.
•  స్థలం: హైదరాబాద్, తెలుగు తల్లి విగ్రహం నుండి పీవీ జ్ఞానభూమి వరకు.

సంప్రదించాల్సిన నెంబర్లూ, తదితర  వివరాలని తెలుగు బాట సైటులో చూడవచ్చు.

సమయం: ఆదివారం, ఆగస్టు 8, 2010 సాయంత్రం 3 గంటల నుండి 5 వరకు
వేదిక: కృష్ణకాంత్ ఉద్యానవనం, యూసఫ్ గూడ బస్తీ, హైదరాబాద్. (పటం)

చర్చాంశాలు:

• ఆగస్టు 29న తెలుగు భాషా దినోత్సవం సందర్భంగా మన కార్యక్రమం గురించి చర్చ
• ఇతరత్రా

సంప్రదింపులు: 99630 29061

తెలుగు రచయితలకు ఆహ్వానం! కంప్యూటర్లలోనూ, జాలం లోనూ తెలుగుని ఉపయోగించడం గురించి తెలుగు రచయితలకి e-తెలుగు ఒక అవగాహనా సదస్సుని నిర్వహిస్తూంది.

సమయం: ఆదివారం, మే 30, 2010 ఉదయం 10 నుంచి మద్యాహ్నం 1 వరకు

కంప్యూటరులో, ప్రత్యేకించి అంతర్జాలంలో తెలుగు వ్యాప్తి కోసం e-తెలుగు సంస్థ కృషి చేస్తోంది. అందుకుగాను అనేక కార్యక్రమాలు చేస్తోంది. ఇటీవల ముగిసిన హైదరాబాదు పుస్తక ప్రదర్శనలో ఒక స్టాలు నెలకొల్పి అంతర్జాలంలో తెలుగు గురించిన ప్రచారం కల్పించడమే కాక, కొన్ని తెలుగు సాఫ్టువేర్లను ఉచితంగా అందించింది. ఈ ప్రచార కార్యక్రమాల్లో భాగంగా సమాజంలోని వివిధ వర్గాల ప్రజలకు ప్రయోజనకరంగా ఉండే వర్కుషాపులను చేపట్టింది. వివిధ అంశాలపై తగు సమాచారం ఇవ్వడమే కాకుండా అనేక సాంకేతిక, సాంకేతికేతర విషయాల్లో తక్షణ సహాయం అందించడం ఈ వర్కుషాపులలో ప్రధాన అంశం. కంప్యూటర్లతో ప్రత్యక్ష డిమాన్‍స్ట్రేషను చెయ్యడం ఈ వర్కుషాపుల్లో ఒక భాగం.

కంప్యూటర్లలోనూ మరియు జాలంలోనూ తెలుగు వచ్చిన తర్వాత మరియు దీని వల్ల మీకు చెప్పుకోదగ్గ విజయం లభించిందా? మీ విజయగాథని మేం వినాలనుకుంటున్నాం. రానున్న హైదరాబాద్ పుస్తక ప్రదర్శనలో పంచే కరపత్రాలలోనూ, సీడీలలోనూ ఈ విజయగాథలను చేర్చాలని మా ఆకాంక్ష. తద్వారా మరింత మందికి ప్రేరణ కల్గించాలనుకుంటున్నాం.

ఈ రోజు నేను, శిరీష్ కుమార్ గారూ హైదరాబాదు పుస్తకప్రదర్శన కమిటీ అద్యక్షులు శ్రీ శ్రీనివాసరావు గారిని మరియు కమిటీ సెక్రటరీ శ్రీ
హనుమంతరావు గారిని కలసి వచ్చే డిసంబరు నెల 17 నుండి 27 వరకు జరగబోయే 24 వ పుస్తక ప్రదర్శనలో గత ఏడాదిలాగే e-తెలుగుకి ఒక ష్టాలుని కేటాయించవలసిందిగా కోరాము. వారు దీనికి సానుకూలంగా స్పందించి అంగీకరించారు.
అలాగే పుస్తక ప్రదర్శన కాలంలో ఏదో ఒక రోజు రెండు గంటలవరకు కాలాన్ని తమ ప్రదర్శనశాలలో ప్రదర్శన నిమిత్తం e-తెలుగుకి కేటాయింటానికి అంగీకరించారు.

కనీసం 10,000 కరపత్రాలు ముద్రించి e-తెలుగు స్టాలు వద్ద పంచటానికి ఏర్పాట్లు సాగుతున్నాయి.

హైదరాబాదు పుస్తక ప్రదర్శన డిసెంబరు నెల 17 నుండి 27 వరకు నెక్లసు రోడ్డులోని పీపుల్స్ ప్లాజా లో జరుగుతుంది. క్రిందటి సంవత్సరం లాగానే e-తెలుగు ఒక స్టాలును నిర్వహించాలని తలపెట్టింది.

మామూలు రోజుల్లో మద్యాహ్నం 2 నుండి రాత్రి 8 గంటల వరకు మరియు శని, ఆది వారాలలో మద్యాహ్నం 12 నుండి రాత్రి 9 గంటల వరకు స్టాలు తెరచి ఉంటుంది. స్టాలును విజయవంతంగా నడుపుటకు చాలా మంది వాలంటీర్ల అవసరం ఉంది. తమ సేవలను అందివ్వగల తెలుగు అభిమానులు క్రింది వివరాలను ఇ-మెయిలు ద్వారా గాని టెలిఫోను ద్వారా గాని తెలియపరచమని కోరుతున్నాము.

పేరు:
టెలిఫోను నంబరు:

నవంబరు 8 (ఆదివారం) మద్యాహ్నం 2 గంటలకు శ్రీ సి బి రావు గారి ఇంట్లో
సమావేసమైన e-తెలుగు నూతన కార్యవర్గ సభ్యులు క్రింది వారిని పదాధికారులుగా
ఏకగ్రివంగా ఎన్నుకున్నారు.
1) దూర్వాసుల పద్మనాభం - అధ్యక్షులు
2) కత్తి మహేష్ కుమార్ - ఉపాధ్యక్షులు
3) కృపాల్ కశ్యప్ - కార్యదర్శి
4) డి.ఎస్.కె చక్రవర్తి - కోశాధికారి
క్రింది నలుగురు సభ్యులు కార్యవర్గ సభ్యులుగా ఉంటారు.
1) యనమండ్ర సతీష్ కుమార్
2) నామాల నాగమురళీధర్
3) వీరవెంకట చౌదరి ( వీవెన్)
4) సి.బి.రావు
తుమ్మల శిరీష్ కుమార్ గారు, ఉప్పల వెంకట రమణ గారు తమ తమ పదవీ భాధ్యతలను
కొత్త కార్యవర్గానికి అప్పగించారు.